حوارات زوجية ..( اااار مصخرة لا يطوفكم )

زوجين متدينين (1)

الزوج : إني أحبك في الله
الزوجة : وانا بعد أحبك في الله استغفرالله من كل ذنب عظيم
الزوج : بكل صلاة ما انساج من دعائي
الزوجة : بارك اله فيك وجزاك الله خير
الزوج : شكثر تحبيني؟
الزوجة : عدد ما غرد الطير وطار وتعاقب الليل والنهار ودعا داع ف الاسحار
الزوج : الله يا سلام على هالكلام ذكرتيني بليال رمضان
الزوجة : متى نروح العمره ؟
الزوج : قبل اسبوع كنا في العمره
الزوجة : عيل نغير نروح المدينه
الزوج : على بركة الله
الزوجة : أبا عبيده
الزوج : نعم يا أم عبيدة ؟
الزوجة : دعاء كفارة المجلس كله حب ( شكت ام عبيده )
الزوج : سبحانك الله وبحمدك أشهد أن لا إله إلا أنت استغفرك وأتوب إليك
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
(2) زوجين صايعين

الزوج : تصدقين ما حبيت وحده بكثيرج
الزوجة : وانا بعد حبيت بس مثلك ابد ما حبيت
الزوج : انتي خليتي حياتي كوووووول
الزوجة : واااي انت ستايل وتهبل وتشبه توم كروز
الزوج : تذكرين اول مرة شفتج فيها وين ؟
الزوجة : اي كنت اقز مع سبجوه بالمرينا
الزوج : الله كان اسعد يوم بحياتي
الزوجة : شكثر تحبني
الزوج : كثر جمهور نادي القادسية
الزوجة : ترا ذبحتني بنادي القادسية .. يلوعون الجبد
الزوج: انا اشجع نادي القادسية عشان لونهم يذكرني بضروسج
الزوجة : عيل تدري ليش انا اشجع نادي العربي ؟
الزوج :ليش ؟
الزوجة : عشان ريحة البصل تذكرني فيك
الزوج : الله عسل عسل دمج شربات
الزوجة : قوم قوم قبل لا اقط الرقم على اللي كاشخ وراك

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

(3) زوجين اغبياء ودمهم ثقيل

الزوج : يا حياالله ابو الوجه الصبوحي .. ابو الوجه الصبوحييي
الزوجة : لا تذكرني بلندن بروحي ودي اسافر لها
الزوج : شكو لندن ؟
الزوجة : هذي مو اغنية عبدالكريم اللي صورها بالـ هايد بارك ؟؟
الزوج : والله مادري بس يسويها عبدالكري عبدالقادر
الزوجة : ودي اروح لندن وانت معاي
الزوج : لا والله
الزوجة : شفيك علي اليوم ؟
الزوج : يعني مع منو بالله العاده تروحين ؟ مع السايق مثلا ؟؟
الزوجة : لا مو قصدي السايق .. بعدين احنا ما عندنا سايق.. شلون اروح معاه ؟؟
الزوج : اللهم طولج يا روح
الزوجة : خلاص خلاص غير الموضوع
الزوج : حبي لج ماله حدود
الزوجة : الله وناسة يعني بدون جوازات وجذي
الزوج : اي ذكرتيني .. امس رحت دوار الجوازات بجدد جوازي بس ما لقيت احد
الزوجة : مو بدوار الجوازات يا حظي
الزوج : مو انتي ذيك المرة قلتي سويتي حادث وودوج دوار العظام ؟؟
الزوجة : بصراحة مو متأكدة
الزوج : تدرين ان لازم يسوون دوار باسمنا انا وياج
الزوجة : الله .. دوار حبنا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
(4) زوجين ضغاط

الزوج : تصدقين بيوم عرسنا كنت خايف حدي
الزوجة : انا كنت خايفة عليك بعد
الزوج : كنت خايف ابوج يفشلنا وينجب من البوفيه حق بيتكم
الزوجة : نعم نعم ؟
الزوج : اتغشمر معاج شفيج !
الزوجة : عيل ما شفت امك واهيا تتعلج خفت لا يطيح حنجها
الزوج : عاد ما ارضى على امي
الزوجة : حتى انا ما ارضى على ابوي
الزوج : اخوج الكبير بأ محل برْدات مفصل دشداشته ؟
الزوجة: يمكن نفس المحل اللي فصلت فيه اختك بدلتها .. مو متأكده
الزوج : تذكرين خالتج لابسه كعب ثلاث طوابق ؟؟
الزوجة : اي تذكرت لما كانت واقفة يم خالتك اللي حاطه حمره تقول شاربه شاني
الزوج : تدقين احلى ي فيج بالعرس النفره اللي طالعه بجبهتج
الزوجة : واااي انت تهبل بالشعر اللي طالع بأذونك
الزوج : شرايج نمشي ونكمل سوالف بالطريج ؟
الزوجة : على راحتك حبيبي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

(5) زوجين اغنياء

الزوج : اقول حبيبتي شرايج بغدانا امس بفينيسيا ؟
الزوجة : بصراحة العده حلوة بس اكلهم مو زود
الزوج : انا بصراحة عجبني .. احسن من مطعمنا اللي في روما
الزوجة : انزين انا رايحة باريس تمورو بتسوق تبي شي ؟
الزوج : متى بتردين ؟
الزوجة : مادري على حسب .. يمكن تو دييز وارجع
الزوج : خذيتي مليونج من ابوج ؟
الزوجة : ويييه الله يعافيك روح اخذه ما يمديني
الزوج : عيل بأي حساب بتتسوقين ؟
الزوجة : ما عليه بصرف من حساب خلودي ولدي في 300 الف
الزوج : عاد رديهم له مو تنسين حرام فلوسه يبي يستانس فيهم الولد
الزوجة : انت وين بتروح بهالويك اند ماي سويت هارت
الزوج :ودي اروح معاج بس الوليد بن طلال عازمني على العشا باجر
الزوجة : اوكي انا بسافر بالطيارة الرمادية عبيتها بانزين
الزوج : اي فيها بانزين اكيد .. انا ودي اروح باليخت ودي احدق بطريج الرده
الزوجة : قود نايت حبيبي وسويت دريمز
الزوج : قود نايت ما سويت هارت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
(6) زوجين صواريخ

الزوجة : ما قلتلك يوم طاحت فينا الطيارة ذيج السنة ؟؟
الزوج : مرة ثانية ؟
الزوجة : اييي مرة ثانية يوم امي تعلقت بجناح الطيارة وطارت عبايتها
الزوج : اوف اوف اوف صج والله !!؟؟
الزوجة : امي مسكينه ايدها تعبت وهدت جناح الطيارة
الزوج : وبعدييييين ؟؟
الزوجة : الحمدالله ما صار شي ابوي لحق عليها بالباراشوت
الزوج : الحمدالله ولا بغت تروح فيها المسكينه
الزوجة : انا من الخرعة طبيت بدون براشوت ولا شي
الزوج : وبعديييييين ؟؟
الزوجة : لقيت ابوي مع امي بالسما قلتلهم لحقوني
الزوج : سبحان الله شوف الصدفه
الزوجة : اي انا عقبها حرمت اركب طيارات
الزوج : انا مرة بغيت اموت يوم سقت سيكل وطحت فيه من الجسر
الزوجة : اسم الله عليك وبعدييييين ؟
الزوج :الحمدالله اني طحت على ساعتي ما تعورت
الزوجة: وليش طحت من السيكل ؟ انا كنت دايس 200 فا يوم صعدت الجسر لف فيني
الزوجة : وبعديييييييين ؟؟
الزوج : جان اتصل عالاسعاف يمكن بالطيحة اتعور لا سمح الله
الزوجة : هذا وانت طايح من السيكل وتتصل ؟
الزوج : ايي وما وعيت الا وان داعم الصبة مالت الجسر واطيح من فوق
الزوجة : وبعدييييييييين ؟
الزوج : جان احط التليفون بمخباتي ولبس ساعتي
الزوجة : جنا صك علي .. اي كمل
الزوج : جااان طرباااااخ والا اطيح على ساعتي وتكسرت والا الاسعاف توصل .
الزوجة : الحمدالله على السلامة
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
(7) زوجين صغار

الزوج : تصدقين خلصت المرحلة الاخيره بهاللعبة ؟
الزوجة : بييييه انا من زماان خلصتها. الحين عندي لعبة يديده
الزوج : اقول دقي على هارديز اطلبي لي هابي ميل
الزوجة :اي حتى انا مشتهية هابي ميل .. يوزعون معاها لعبة شريك
الزوج : واذا دق علي حمني البطة قوليله مو موجود
الزوجة :انزين قوم خن نكمل بلاي ستيشن
الزوج : لحظة متابع سلاحف النينجا الحين يبدا على سبيس تون
الزوجة : شايفتها هالحلقة مو حلوة
الزوج : عاد لا تخربين علي .. يوم طلع باباي البوكي مون ما خربت عليج
الزوجة : خلاص خلاص لا تزعل بعدين تروح تنادي امك
الزوج : ترا والله احاربج من صجي
الزوجة : عطني كبوسي مالي انا شاريته
الزوج : يعني نحاسة ؟؟ انا اوريج بس خل يخلص الباباي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
( زوجن شياااب

الزوج : انا بعرف الدكتور مالي ما يفتهم مدمغ ؟
الزوجة : هوْهوْهوْ شفيك يابو صالح امس تمدحه واليوم تذمه ؟
الزوج : يا ام صالح الدكتور اثول ما يفتهم شعرفه ؟
الزوجة : الحين صار كودني ما يفتهم !! صج منكر حسنه
الزوج : ما يدري ان اللي قاعده جدامي هي علاج السكري والضغط وامراض ادنيا
الزوجة : يما منك عيار ما تيوز عن سوالفك يابو صالح
الزوج : انتي لو في منج وايد جان سووهم ابر حق المرضى
الزوجة : ذكرتيني بأيام اول يوم تقص علي في بيت ماما عوده وتغازلني
الزوج : آآآآه يا زينها من ايام
الزوجة : انا كنت اطلطل من الدريشة ولا اشوف هاحافي العصل المهتمل اللي دخل قلبي من اول نظرة
الزوج : ايي هذا انا عدل عدل بالسكة مع عيال بن نخي نلعب تيل
الزوجة : شكنت تسوي ما عاد اذكر شي
الزوج : يوم ادز اختي الصغيرة تقولج غطاوي وانتي طاقتج البوهة
الزوجة : يا علك شقووول ذكرتني " اذاشديت حزامه تهلهلت عظامه "
الزوج : وانتي تقولين الجندل شكو ؟
الزوجة : شعرفني بالغطاوي هوْ غصب .. ماعرف ما افتهم
الزوج: هذا اللي علقني فيج اكثر
الزوجة : قوم قوم روح يعطونك ابرة السكر اظاهر ارتفع عندك
الزوج : هذا يزاي اتغشمر معاج والاغيج
الزوجة :يمه منك جمبازي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
(9) زوجين نكته

الزوج : يقولج في مدرس سأل الطلبة اللي غبي يوقف .. جان يوقف واحد .. سأله : ليش وقف ؟ قال ما حبيت اشوفك واقف بروحك يا استاذ
الزوجة : يعني دمك خفيف ؟؟ عجل اسمع : في مره واحد دخل السلك الدبلوماسي تكهرب هاهاهاها
الزوج : يخرب بيت الملاغة سمعي : جلب شوارع مر على مركز شرطة شاف جلب بوليسي .. قال : ااااخ لو مكمل دراستي ههههههه
الزوجة : ترى صج صج دمك ثقيل .. اسمع : في مرة واحد قاعد يطق الدياية مالتهم ليش ؟
الزوج : ليش ؟
الزوجة : يقول كل يوم بيض كل يوم بيض مافي جبن ..هي هي هي
الزوج : ملاقة جذي ما شفت . سمعي : في ياهل عمره ثلاث سنوات قال حق امه الحامل شنو في بطنج ؟ قالت هذا اخوك الصغير
الزوجة : هاهاهاهاهااها
الزوج : لحظة ما خلصت يالغبية
الزوجة : اوكي
الزوج : قال لها تحبينه قالت له : اي احبه .. قال : عيل ليش بلعتيه ؟
الزوجة : خلصت ؟
الزوج : يالله الحين الناس يضحكون