][تعبت اكذب على نفسي][

تعبت أكذب على نفسي وأمني خاطري بالقاك
وأقول انك على عهدي وميثاق الهوى باقـي

تعبت أمشي ورى حلمٍ خذلني يا غلا ويـــاك
أنا وش لون باطوي البعد وانته تنشد فراقي

تمنيتك تجي تاخذ بقايا طيف من ذكـــــــــراك
يناوش فكري الساهي وينبش داخل أعماقي

رحلت ولا تركت اللي يهوّن غيبتك وبطــاك
خذاك البعد عن عيني وكلك ساكن احداقــي


نثرت حروف من شعري تنادي لك هنا وهناك
عسى يا عل تقراها وتشفي جرح دفّـــاقــــــي

حزينة مغرمة بطيفك هجرها فرحها بفرقاك
لأنك مصدرالهامي وعشقي وباقي اشواقي

كتبت ولا دريت ان الزمن عن حبنا الــهاك
غريبة شلون هالدنيا قوَت تنسيك تشتـــــاقِ

قصيدي بالوله والشوق يرسم لهفتي إلقياك
عساها وين ما حلّت تعانق ذوقك الراقـــــي

سنين تمر من عمري وانا مالي سوى رجواك
تعال احضن بقايا العمر ياعمري الذي باقـــي

تعبت أكذب على نفسي وامني خاطري لقيـاك
واقول الحلم يتحقق تجي وتحرر وثاقــــــــــي